شلون تربط حاسبتين بخط انترنيت واحد

السلام عليكم

هواية من الناس الي عدهم خط انترنيت يريدون ينطون نت لحاسبة ثانية...هاي الشغلة ممكن أن تتم بأستعمال كيبل او عن طريق الوايرليس...راح اشرحلكم شلون نربط حاسبتين على خط انترنيت واحد بأستخدام كيبل الـ Cross

الي راح نحتاجة بهاي الطريقة شيئين:

1- lan card على كل حاسبة
2- كيبل Cross

========================
الـ Lan Card هذا شكلة

يجب ان يكون معّرف على كل حاسبة

هسة نجي علة كيبل الـ Cross .....هذا النوع من الكيبل يستخدم من تريد تربط حاسبتين سوة بدون Switch او hub يعني مباشرة يطلع من الحاسبة الاولى يدخل بالحاسبة الثانية.....
تسلسل اللوان طرفيّ الكيبل الـ Cross تكون مثل ما ما موّضح بالصورة

وهاي صورة ثانية عن قرب

اكو نوع ثاني من الكيبلات اسمة Straight يكون تسلسل الوايرات مثل الصورة

لاحضو تسلسل الالوان نفس الشي بطرفين الكيبل..هذا النوع ما راح نستعملة هسة..بس ممكن نستعملة بغير حالات..عود اگولكم عليهة بنهاية الموضوع

=================================
اهم شي خلال العمليات الي راح نسويهة أن تكون الحاسبتين شغاااالة ومربوطة بالواير الـ Cross

هسة راح نربط الحاسبتين بالكيبل الـ Cross راح نشوف علامة الشاشتين الزغار الي يم الساعة مال حاسبة اشتغلت..معناتهة اكو Connection بين الحاسبتين

=============================

راح نسوي هاي العمليات علة الحاسبة المتصلة بالانترنيت فقط والحاسبة الثانية لازم تكون شغالة

نروح علة My Network Places وندوس دبل كلك

===================================

هسة نروح علة الـ Local Area Connection وندوس كلك يمنة بعدين نختار Properties

==================================

ندوس دبل كلك علة Internet Protocol (TCP/IP)1 مثل ما موجود بالصورة

============================
هاي الخطوة نسويهة علة الحاسبة الاولى و الثانية هم

نحط النقطتين علة الاختيار الاول Optain Automatically بعدين ندوس OK مثل ما موضح بالصورة

احتمال نشوف الشاشتين مال نت ورك الي يم الساعة طلع يمهة مثلث اصفر مكتوب Limited or no connectivity مو مشكلة لأن الى هاللحضة ماكو أيبيات

=====================================

هسة هم ندوس اوكي

===============================

احنا بعدنا داخل الـ My Network Places نشوف علة اليسار اكو مجموعة خيارات ندوس علة Set up a home or small office network مثل الصورة

=============================
هسة نتبع الخطوات

ندووس Next

==================================

وهم ندوس Next

===================================

هسة نحط علامة صح بالمربع المكتوب يمة Ignore Dissconnected network hardware وندوس Next

===================================

هسة بهاي الخطوة راح نختار أول اختيار والي نوضّح بي انة هاي الحاسبة متصلة مباشرة بالانترنيت وراهة ندوس Next

==================================

هسة بهاي الخطوة نحدد احنا شلون دا نستلم انترنيت؟؟...اني مثلاً دا استلم عن طريق كارت الوايرليس..فــ اختاريت الوايرليس..بعدين ندوس Next

===================================

هسة نحط الصح بالمربع مال Local Area Connection فقط...هاي معناهة احنة نريد ننطي نت للحاسبة الثانية عن طريق الـ LAN ...وندوس Next

===================================

اهنا نكتب وصف للكومبيوتر واسم الكومبيوتر..نكدر نكتب اي شي وراهة ندوس Next

=====================================

نختار اسم للـ workgroup هذا الاسم يطلع يم الحاسبة الثانية من نسوي Share للفايلات

====================================

اهنا نفعّل خاصية الـ Sharing الي هية تمكنا من مشاركة الفولدرات والطابعة مع الحاسبة الثانية ونگدر نفعلهة بعدين..يعني مو شرط هسة

====================================

اهنا راح يشوفنا الاعدادات السابقة الي سويناهة...ندوس Next

===============================

اهنا راح تقوم الحاسبة بعمل كونكشن بينهة وبين الحاسبة الثانية...وراح تنطي الحاسبة الاولى ايبيات للحاسبة الثانية اوتماتيكياً...

===================================

نختار الاختيار الاخير وندوس Next

==================================

احتمال يطلب من ترست الحاااسبة...وراهة راح تلاحظ العلامة مال نت ورك الي يم الساعة اشتغلت...معناهة العملية تمت مضبوووط

شلون تربط حاسبتين بخط انترنيت واحد 615623091

شلون تربط حاسبتين بخط انترنيت واحد 615623091

وراح ينفتح النت بالحاسبة الثانية إن شاء الله
======================
زين واحد يسأل
ممكن انطي انترنيت لأكثر من حاسبة؟؟
الجواب : أي ممكن بس لازم يكون عندك Switch أو Hub
يوزع لباقي الحاسبات..وبهالحالة راح نستعمل الواير الـStraight بين كل حاسبة والـSwitch أو الـ Hub
ونفس الخطوات السابقة نسوي وية الحاسبة الي جايهة انترنيت
شوفو المخطط المبسط

شلون تربط حاسبتين بخط انترنيت واحد 289979486

شلون تربط حاسبتين بخط انترنيت واحد 289979486

إن شاء الله تستفادون من الموضوع
وأي شي تحتاجون اني حاضر
:
:
:
:
فيمان

مشكوووووووووووووووووووووورة حبي منورة

:5464:

:54364:

» كل واحد يدعو بطريقتة
» قصيدة واحد منغولي الى حبيبت
» لغز اليحلة ياخذ لقب اذكى واحد بالمنتدى
» اغرب انواع الموبايلات---وكل واحد يختار الي يعجبا
» أ خبث واحد بلعالم تعال وشوفة وذا عندكم هيج خباثة جيبوة