قصيدة طائفية

حبيبتي حيل طائفيه اني سني وهي شيعيه
حبيبتي طائفيه اني اسمي عمر من اهل الرمادي وهي فاطمه من الكاظميه
بحصار الفلوجه الفطيره ابد ماسئلت عليه
خابرتها عاتبتها كتلها ليش ياشيعيه ياطائفيه
وبكل برود كالت حبك نسيته ومن كلبي محيته
كتلها ليش شصار نسيتي ايامنا وايام الكليه
كالت انت سني واني شيعيه علويه
كتلها جا احنا ولج مو وحده اسلاميه
جان تكول كوم بييييييييييييييييييييييييييييييييه
كتلها ليش مو انتي شيعيه اخلاق وحسن وتربيه اسلاميه
كالت ياعمر اني مهري عالي ونيشاني غالي
كتلها اذا مهرج روحي اضحي بيها وادا نيشانج عيوني الج هديه
اني سني واخلاقي زادي وما اقيمج بالذهب انما اقيم الذهب بيج

جان تكول ادا تحبني مهري ونيشاني تحول شيعي وتلطم يوميه
كتلها انتم الشيعه مجموعكم عالي ومعدلكم معدل مجموعه طبيه
واني مجموعي مايدخلني بس معهد لو ابقه يمكن بالاعداديه
اني سني واتشرف بيه وما اغيره لو اعرف تصيرين نانسي عجرم

جان اكلها ليش ماتحولين من شيعيه الى سنيه
جان بكل رقه تكول تيت تيت تييييييييييييييت
وجان بكل حنيه اكلها الكبر لفج يامطيه

وبعد ربع ساعه من الصمت الاثنين راسهم محني وبالكاع مطوي
والخجل من الاثنين مضوي الاثنين السني عمر والثانيه فاطمه الشيعيه

وكام السني وبكل رقه يحجي
انا اسف جرحتج ياشيعيه وبكلامي خسرتج
انا اسفه ياعمر ياعمري برعونتي خسرتك
جان الكلها اني اسف وانتي اسفه بس المشكله هي هي
اني سني وانتي شيعيه وراح نبقه شكل وانتي شكل
مثل ماصارت الصلاه شكل وشكل
وصار الاذان شكل وشكل
وصرنا الامام شكل وشكل
وصار الجامع مسجد وحسينيه
وراح ابقه وتبقين سني وشيعيه

جان تكوم فاطمه والدمعه بعينها والعبره بصوتها
وتكول ياعمر واحنا شعلينه احنا يجمعنا وطن
كتلها واليد ترجف العراق
جان تكول وشعدنه غيره
وجان اشوف الدمعه صارت على خدودها نهر
وجاوبتها لا والله ماعدنه غيره
جان تكول عراقنا يجمعنا مثل ماجمع دجلته وفراته
اني دجله وانت فراته
وماكو بعد انت سني واني شيعيه
بعد ماكو طائفيه وحبيبتك رجعت الك هديه

جان اكلها لعد هيج الفرح رجع للعراق
مو خلصنا العمر غصه باثر غصه


وجان اكلها حبيبتي ممكن بوسه من هاي الشفايف العسليه

جان تكلي بكل موده يا مطي ياجلب ياحقير ياكلب ابن السطعاش كلب
ياسني ياخايس ياسني مسوس ياسني مايفيد بيك لا حشوه مؤقته ولا حشوه جذر
ياسني والله غير الشلع مايفيدك يا صرصر يافاره

وجان اجاوبها بكل حنيه ياشيعيه ياطليه ياثوله ياجكمه يامجعمره يامزنجره يلي وجهج اصفر من الطم بالقرايات يوميه وعيونج حولات من البجي بالكاظميه

ورجعنا نتعارك ورجعنا اني سني وهي شيعيه
ورجعت حبيبتي بعد انكس من قبل رجعت طائفيه
وهنيالك ياعراق الف هنيالك حتى الحب بيك صار مذهب وطائفيه
وقبل ماتسال عن اخلاقها اسال هي سنيه لو شيعيه

أين الردود