سؤال في علم الكبة

هلوووووووو موووووتو

رجاءا الي يعرف بالكبه بس هو الي يحجي البارحه جوارينه ام هيذر تعبانه
مسويه عمليه شد بشره عافت انكلترا وراحت الى اليمن السعيد على شنو سعيد
اليمن ما ادري راحت هناك تسوي العمليه الاثول الطبيب شد البشره حيل وجر الصره
مالتها وصارت بكصتها وهي تعبانه وزوجها ابو هيذر مشتهي كبه فكالت حمودي بلكت تسوينه


فكلت اسوي كبة بتيته جبت البتيته وسلكتها وبعدين هرستها وره ماهرستها كعدت
اطلع الكشور مال البتيته ضليت حوالي عشر ساعات الكط الكشور بعدين اتفطنت وصرت
نادر كلت ليش خو وره ما اكلي الكبه اطلع الكشور راح تصير سوده والكبه صفره وراح اميز
الاسود عن الاصفر واطلع الكشور المهم على المره الجايه اسوي هاي الطريقه

جهزت العجينه مال الكبه سويت الحشوه لحم وكشمش ولوز وبندق وكازو وفستق
ومعجون اسنان ولامندوزي وحبوب افياكره ابو ميه ملم ومعدنوس ورشاد وكراث
ودكم مال كوستم مو مال قميص وحطية ابهارات ومي ورد ومي خابط ومي عيوني
ومي اكرم ومي زياده

هسه عملية التكوين والانشاء للكبه سويت دعبله وطخيتها سويت بيها حفره بعمق
خمسه سنتمتر واربع انجات ودحست الحشوه بيها دحس واغلقت الدعبله وبعدين بطحتها
بالكاع وجبت يده مال هاون ودكيتها الى ان اخذت شكل الكبه المعروف


حميت الدهن بالطاوه وره ماحمه الدهن شلت الطاوه وغسلتها لانه ماغسلتها قبل
وضع الدهن ومن نشفت حطيت الدهن وره ماحمه شلت الطاوه وذبيت الدهن حتى
احط زيت لانه كالوا الكبه بالزيت اطيب وكليت كل الكبه وكلت اضوك وحده

اكلت وحده اشو حاله غريبه صارت اكل والكبه مابيها حشوه ولا حشوايه ولا نص
حشوشه وين راحت اكلت الثانيه هم ماكو حشوه اكلتهن كلها ولا حشوه اكو شنو السالفه
مدري ضجت ودمعت عيني وانحنى راسي اشو شفت الحشوه كلها بالكاع شلون صارت
بالكاع يعني لو العجينه ثوله لو الحشوه ثوله يعني اني الدعبله زويت بيها عمق
ودخلت الحشوه وبعدين شفت الحشوه كلها بالكاع يعني معقوله ادخل من فوك الحشوه
وتنزل من جوه للكاع لا مستحيل هاي الحشوه ثوله لو العجينه ثوله


هسه شلون اريد واحد يعلمني شلون طريقه عمل الكبه فدوه