صديقات الحب

صديقات الحب

طبعا لكل ابنيه صديقه ومرات قسمة الزواج تصير عبر صديقه الى صديقه يعني شنو
اخاف اكو ثولات ما افتهمن يعني وحده تكول لصديقتها اكو ابنيه اخت صديقتي حلوه
وحبابه اذا اخوج الي جاي يدور على عروسه خلي يشوفها بلكت تعجبه وتصير القسمه


هسه سعديه ام هاشم شلون اتزوجت عن طريق صديقتها نجيه صديقات العمر
اثنينهم يبيعون روبه لبن بكراج النهظه وحده تبيع لبن خايس والثانيه تبيع
لبن امحمض بس لانه نفسياتهم نظيفه الله يرزقهم خطيه نفسياتهم كولش
نظيفه سعديه يوميه تكنس وتمسح نفسيتها لهذا طلعت نفسيتها نظيفه
وشغلهم اطور جان تبيع روبه بالجدر بعدين كامت تبيع لبن امعلب وكتها
جان لبن كانون وطورته سوته كانون الاول وبعدين طورته سوته كانون الثاني
وطلعت بعثه للخارج دراسه على الروبه ومن رجعت الى العراق هم طورته
صار تشرين الاول وبعدين الثاني


المهم عن طريق نجيه صديقتها ادور على ابنيه حبابه دلتها على سعديه
الي صارت ام هاشم عاد شلون صارت ام هاشم مو من اتزوجت زفوها
هي وزوجها وين للفندق هناك زوجها شلتاغ جان سبع وكلش جرئ اصلا
كولش كولش جرئ وعيونه وكحه هيبه كولش جرئ من سد الباب وره
عشر ايام يالله انطه بوسه على كصة سعديه وخطيه سعديه بهاي العشرة
ايام ماشافت شئ بحيث صارت مثل روبه نجيه روبه امحمضه


بس خطيه نجيه عنست خطيه وكاعده بالكراج تبيع روبه من وره خشمه
حتى الاسعار مال اللبن صعدتها من الظيم والقهر هي سبب قسمه ام هاشم
وهي ظلت بلا قسمه خطيه حتى اللبن سوت لونه اسود من القهر وكامت
اتخبطه اسيتون وسيكوتين واذب اللبن بالخرابه بالكاع وترجع تلمه حتى
يصير بيه حشرات حتى تتنتقم من المجتمع والبشريه جميعا


وعدكم ام صابر وصديقتها سعاد هم عن طريق صديقتها سعاد صارت قسمة
ام صابر لانه جانوا صديقات العمر ام صابر وسعاد جانوا يبيعون تايرات
مال سيارات وحده تبيع التايرات والثاني تروح اطش بسامير بالكاع حتى
التايرات تنشك ويرجعون يشترون تايرات وشلونها هي ام صابر تخبل وجها
امدور بعرض التاير وجسمها حلو متروس ومتناسق عليها زوج جروخ يخبلن
كل جرخ عبالك تاير مال لوري متروسات جدا جانت تعلس اوقات الفراغ جوب
مال تايرات وتسويه علج تعلج بيه بس المشكله من زفوها وي زوجها اشو
اول ليله بنجرت صار عدها بنجر وفكست الليله خطيه زوجها كان شسوي
اني متلهف شسوي


المهم هسه بالمنتدى اكو عضوات صارن صديقات عضوات وصار بيناتهم
عشره وغيبه وكص وقشبه وحده اتقلد على الثانيه يعني بيناتهم علاقه حب
اذن ياريت اي وحده تعرف صديقتها او كرايبها يدور على عروسه خلي ادليه
على صديقتها العضوه ويانه واخاف يريد يشوفها يعني ماكو حل الا اني اتبرع
شسوي اني شمعه تحترق من اجل الحب والناس والبشريه اني عودك اشوفها
علىالويب كام بالجات وادز للولد شكولها ومواصفاتها شسوي صح اني ما متفرغ
بس راح اضحي واشوفها على الويب كام وانطي الراي الى اهل الولد وصديقه اهل الولد
وكلشي يثوابه وان شاء الله تصير حسنه اليه يارب