معلومات مهمه لهواه تربية حيوان المطي بالمنازل

السلام عليكم

طبعا الكثير من العوائل لديها هواة تربيه طيور الحب او الدواجن
او كلاب الزينه او اسماك الزينه ولكن بالعراق حاليا صارت اكثر
العوائل تربي حيوان المطي بالبيت لانه ذو فائده بسبب اوضاع العراق
منها عدم توفر البانزين بسبب تهريب النفط من البصره بواسطه حماة
الوطن الجديد فيستخدمون المطي للتنقل وكذلك للتنفيس عن القهر
والغضب يستخدمون المطي يصربوه على ظهره ينفسون عن الغضب


لهذا وبما انه انا شمعه تحترق من اجل الجميع بسر وحواوين
رح نعطيكم اهم النصائح لتربيه حيوان المطي

1- يحب المطي السكن في المكان البارد لهذا يجب ان توفر مولده كهربائيه
مع الكاز في حال انقطاع الكهرباء تفتحله المولده والتبريد حتى المطي يهجع
الى نومه قرير العين مطمئن البال يحلم بالاحلام الورديه ولا تعتمد على ابو المولده
لانه ماراح يشغلها لانه زوجته حامل وجاي تتوحم على الظلام الدامس يعني مايشغلها
اخاف ابنه يطلع متاثر بالوحمه


2- غذاء المطي يجب ان تكون نسبة الدهون 2 بالميه بغذائه لانه يخاف
من السمنه لانه يحتاج الرشاقه في التنقل وتعرفون الدهون والشحوم اتكبر
الجسم وهاي ايضا معلومه مهمه للمراه الشحوم اتسويج برميل وانتي من كاعج
قصيره وتصيرين سمينه وبعدين تصيرين حامل يبووو شنو اطلعين برميل متروس
نفط لا مو نفط وينه هو النفط متروسه هموم ماشاء الله الهموم هواي بالعراق
يفظل المطي المكسرات بالاكل الفستق والجوز البندق اهم شئ البندق يعني خلي
يم المطي كسارة البندق يحتاجها هواي


3- بالنسبه للمطي لا يستطيع العيش وحيد بدون مطيه معه زوجه صالحه مطيه انيقه
لانه المطي يحب ان يعيش الحب بعد مايرجع من الشغل ماكل الف صونده على ظهره
بس هو يحب الخلوه ومحد يباوع عليه يعني بالمكان الي ينام بيه لازم اكو مكان معزول
غرفه على كد امطايا اثنين ويايرت اكو شمعه لانه يحب الرومانسيه وياريت حمره الشمعه



4- بالنسبه للبخور المكان الي بيه المطي كل جمعه يتبخر بخور هنديه يفظل
لانه المطي اهم مشاكله الحسد حاسديه الطاووس والهدهد والكناري والحصان
حاسديه لانه المطي اول من طالب بشرعية الجهاد لتنظيم القاعده بالعراق



5- المطي يحب يطلع الشغل الساعه العاشره مو زين يطلع من الصبح لانه
بالليل هو ينام متاخر كاعد يحسب كم صونده اكل هو اكثر لو الشعب اكثر



6- بالنسبه للصونده لا تكثر من استخدامها يايرت اتبدلها بقماش كودري شفاف
تبرمها وتضربه على ظهره حتى ماتصير لسعه على ظهره لانه حساس المطي
يايرت من تضربه تكوله اسف اسف وره كل ضربه حتى لا يشعر المطي بالاهانه
ويبقى مرفوع الراس حين يسير بالشارع حتى حرس الخطه الامنيه بالسيطرات
ماياخذون منه رشوه ويفوت بدون رشوه حتى لو محمل متفجرات



وان للمطايا حظوظ